Yumi為古仔露點有得諗

o靚模尹蓁晞(Yumi)昨日穿露臍裝騷長腿撐娛樂集團簽約儀式,透露現時自由身一腳踢親自傾job,但傾片酬便找男友陳偉成傍實壯膽,更指拍戲行性感堅持三點不露,若然對手是型男古天樂則可考慮!

「星淘娛樂集團」昨日舉行盛大記者會,宣布與韓國兩大著名娛樂公司及內地音樂文化集團天合文化結盟,並即席進行簽約儀式,旗下三隊新進組合N-Sonic、BTL及Ye-A打頭陣勁歌熱舞,場面熱鬧,曾志偉、樂易玲、尹子維、杜宇航、黎燕珊、尹蓁晞等更畀面撐場。

以露臍裝騷長腿的Yumi,表示自與舊經理人解約後,暫時以自由身傾工作,現有幾部電影斟洽中,另方面亦忙於其內衣生意,問到是否談及片酬問題時會感尷尬,她謂:「會問男友意見,帶埋佢一齊傾,多經驗啲,又多個人照應。(接性感戲?)冇特別要求,但唔好太過分,露點就唔得。(親熱戲呢?)其實都睇對手。(邊個先得?)我幾鍾意古天樂。(同佢拍露點得唔得?)咁要諗下先!」

志偉當霆鋒前輩

另外,志偉對於被指與謝霆鋒合作開公司,他坦承雙方的確有這個意向,但一切僅屬初步,他謂:「我不嬲都鍾意霆鋒,佢做得好好,拍戲我係前輩,但幕後佢係我前輩嘛!今次合作主要喺內地,仲會有其他公司。」

杜宇航搵銀「贖身」

早前與師傅冼國林解約的杜宇航,則表示正努力工作,望一、兩年內把7位數字解約金還清,更指與師傅尚有聯絡,問到緋聞女友胡敏珊可有經濟上支持?他稱:「係朋友,佢有畀意見。」至於黎燕珊被問到曾傳不和的羅霖遭受家暴,坦言對方向來不提及家事,碰面時大多談會務:「人哋家事唔好評論,每人處理方式唔同,希望佢生活愉快,時間係好好治療方法,自己係過來人,唔開心事會忘記。」

文:影視組