Yumi 裸F Cup狙擊娜姐

尹蓁晞(Yumi)與周秀娜舊愛陳偉成撻着後,近日與娜姐一樣以自己作生招牌搞內衣生意,日前她谷行F Cup咪咪為拍內衣宣傳照試水溫,期間更解開Bra帶騷逼爆雙峰,搏到咁盡似乎要進一步狙擊娜姐!

周秀娜舊愛陳偉成(Avis)的現任女友尹蓁晞(Yumi)近日翻dup娜姐吸金路,同樣自行作生招牌搞內衣生意,於Bra場鬥法!Yumi日前拍攝內衣宣傳照,為求效果更勝娜姐,喪飲木瓜奶豐胸,原本豐滿的E Cup咪咪升至F Cup,難怪當日Yumi穿上內衣後深長事業線呼之欲出!為挑戰性感極限,Yumi脫Bra解放F Cup咪咪,半裸上陣,只以雙手掩胸大騷玉背,其後又於梳化上典來典去,並把巨峰壓在梳化上,惹火到爆!Avis則全程監場,並不時指導她擺出各種誘人甫士。

用掉七成積蓄

事後Yumi透露內衣生意投資了7位數,直言只用掉7成積蓄,荷包還未「乾塘」︰「用咗7成啫,keep住有儲錢,之前喺台灣同朋友搞生意賣衫,賺咗啲錢!」對於被指行娜姐舊路,她直言不擔心︰「我唔驚,大家內衣生意唔同風格,搞生意來去嗰幾樣。」她透露將到韓國取經找設計靈感,但不會賣情趣內衣,並透露會用穿過的內衣箍實男友︰「我一定會送幾套着過嘅內衣畀佢,等佢認清我啲味,用Bra箍實佢,唔畀佢曳曳!」

對於Yumi與娜姐於Bra場大鬥法,Avis昨日接受電話訪問時說︰「世界各地都有內衣生意,冇話邊個好啲,總知各有各好,希望兩個都賺錢。」他稱已叫身邊朋友多多捧場,並希望女友可發展男裝內褲,他說︰「我有同佢講叫佢快啲搞埋男裝內褲,咁我就可以唔使買出面嘅牌子,仲會日日唔同款。」

Yumi Profile

姓名:尹蓁晞

身高:1米72

三圍:34F、24、35

生日:1987年9月24日(26歲)

入行經過:2001年參加周刊舉辦的「港版Morning娘選舉大賽」後入行,2008年獲賞識加盟大名娛樂

文︰專案組

攝︰黎志輝

場地︰Volia Photography