黎耀祥識貨 撐秋生認真

黎耀祥與邵美琪於無綫新劇《商戰》飾演情侶,日前兩人於炎熱天氣下進行拍攝,身穿長褸的祥仔被問是否熱到傻?他即大呻辛苦:「好熱,好快又開拍《梟雄》,冇時間休息同好攰。」

提到影帝黃秋生有份參演《梟雄》,有指久未拍劇的秋生對劇組安排要求甚高,祥仔對此激讚秋生嚴謹認真:「人哋覺得佢麻煩,但我唔覺!佢份人認真,要求嚴謹,有執着就會麻煩,但效果會好靚,識貨嘅內行人就會明白。」對於該劇要往上海拍攝數月,問祥仔有否為此推job?他說:「喺上海拍兩個月,其他時間留喺香港拍,冇諗咁多。(製作費天文數字?)好期待,卡士又咁勁。」