徐正曦火熱開工點女友托水
內地小生徐正曦、吳千語、盛君及林德信等前晚於大埔拍攝新戲，期間親身上陣吊威吔的正曦及盛君要於高空舞刀，表現落力的盛君更一度砍彎刀。而正曦受訪時又冧爆大讚女友周麗淇，揚言歡迎女友化身「外賣妹」送水探班！
內地型男徐正曦、吳千語、盛君及林德信昨以功夫裝現身大埔，為電影《青春鬥》拍攝武術比賽戲份。當中毫不錫身的正曦及盛君就被威吔吊至十多呎高，二人於高空耍刀，功架十足。拍得滿頭大汗的正曦喘氣連連，而盛君與演員對打時更一度砍彎刀，表現賣力！
正曦於受訪時自爆為新戲苦練刀法及棍法，他更自爆會以素顏拍攝：「因為天氣熱得把妝溶掉，索性只顧好眼神及動作！」問到他來港拍戲的他會否多抽空與女友周麗淇見面？正曦罕有開腔大讚女友「好棒」：「男女朋友要經常見面，否則感情會疏遠。（歡迎女友探班？）來喇！帶點水來服務大家。（叫女友做阿四？）不會，只是我買了搬上車，叫她順道帶來。（錫住女友？）當然！（感情穩定？）她非常棒！（她甜絲絲談及你？）見她這樣就知道棒啦！」
千語等林峯餵飽
同場吳千語亦大爆獲男友林峯甜蜜探班：「探過一、兩次。（你叫佢嚟？）佢主動嚟買嘢畀大家食。（特別慰勞你？）淨係餵飽我已經夠！」至於盛君就自爆為新戲練刀十多小時，順便當減肥操fit身形。而以冬菇頭四眼look示人的林德信就自認可愛，又笑稱於片場經常被年紀較小的千語欺負。
文：影視組