王子涵6年大計 全裸冇問題
王晶女兒王子涵今年加盟莊思敏投資的經理人公司，日前她穿上比堅尼谷盡32C身材與陽光玩遊戲，並透露「胸」懷大志的計劃，不靠父蔭用6年時間在娛圈闖名堂，更揚言全裸演出亦冇問題！
24歲的王子涵日前穿比堅尼在沙灘大晒32C身材，她表示今年加入莊思敏投資的經理人公司，主力做模特兒工作及拍攝電影，她透露會嘗試拍攝微電影飾演男人，又自嘲是男人婆。問到將來會否接受電影角色需全裸？她直言：「全裸冇問題，但要三點不露。」
「胸」懷大志的王子涵直言加入公司目標在6年內對自己有所交代：「我唔使做到要有提名要拎獎，至少要有人去認同我嘅努力。如果到時真係做唔出成績，都叫做試過，如果我依家唔簽約，將來真係會後悔。」
與王晶約法三章
父親是著名導演王晶，王子涵強調公私分明，入娛圈前已與父親約法三章：「佢唔會特別幫我，但如果佢有適合我嘅角色會畀機會我，我細個都有拍佢嘅戲試吓係咩一回事，依家就唔想畀人話我靠父蔭。」無論身材及堅持她都絕不遜色晶女郎。提到早前有網民指她遭父親反對入娛樂圈而cut信用卡經濟封鎖，她感莫名其妙：「根本冇呢件事，佢話畀張卡我係畀我買嘢食，怕我餓親。」
Profile
王子涵（Da Wong）
三圍：32C、24、34
身高：159cm
文：名人組
攝：秦健輝
髮型：Samuel Ng