周秀娜分手遺物記取教訓
周秀娜日前出席電影《分手100次》的宣傳活動，向《東網ontv》大談自己的「分手遺物」，單身的娜姐自言性格決絕，分手後不會留住舊愛的任何物件：「分手後我冇嘢會留低，梗係騰番啲位出嚟，等收新禮物啦！目前只有一樣嘢我會keep住，係一支唇膏。」
娜姐更自爆收唇膏時揭發男友有小三的經過：「佢送支唇膏畀我嘅時候同我講：『你個嘴好靚，我覺得你搽咗呢隻色嘅唇膏會更加靚。』但係我就發現同一張單佢買咗兩支，仲要係同一隻顏色，即係仲有人要送啦。」被問到是否前任男友陳偉成？娜姐即否認：「唔係，當時我好細個，呢次係個好嘅警惕，因為呢個已經係一個唔信任，係講大話嘅開始，當係教訓自己以後唔好咁容易信人。」