周秀娜寸「爆衫模」：下次買啱size
o靚模書展寫真爭霸戰進行得如火如荼，始祖周秀娜當年憑食雪糕寫真及攬枕突圍，雖然她未看今年寫真，但就暗寸有o靚模當街爆衫，要買啱size之餘更要進步。娜姐急流勇退轉往發展電影事業後，亦不想再重提往事。
宅男女神周秀娜、苟芸慧、金愛妍和王敏奕等昨日出席「Sa Sa第三屆香水奧斯卡頒獎典禮」，據公關表示原本出席的何傲芝就臨時甩底。娜姐谷胸上陣以「香水大使」身份壓軸現身，她直言以前兼職做咖啡店侍應，獲初戀男友接放工，最記得其汗味與香水味道。
慶幸變質前已脫離
身為o靚模寫真大師姐的她，表示未有時間去書展，亦冇看過今年寫真。提到有o靚模在街當眾除衫扮露點兼爆衫？她直言：「我真係未睇（寫真），佢哋下次要買啱size。（當年會否咁做？）冇諗當年，嗰時要新鮮，好玩同挑戰，希望佢哋拎到自己想要嘅嘢。」她直言慶幸在寫真變質前脫離，覺得要有不同的階段及進步，現時會專心電影，但到某年紀亦會考慮再留倩影。
苟芸慧同情何傲兒
另外，脹爆的苟芸慧低胸上陣，透露日前回港，回想在巴西採訪世盃期間，遭法國年輕男狼吻仍有餘悸：「反應唔到，做緊訪問，錫咗落我個嘴，太突然，覺得自己蠢咗，少少唔開心，都有喊。」及後有西班牙男記者邀請她做訪問，更稱她為淚眼美人。曾與林建名傳緋聞的她直言明白何傲兒感受，亦澄清自己都是無辜：「去搵足球資料做功課，無啦啦傳同林生，我根本唔識斬冇見過佢。」
文：名人組