小塵埃唔怕撼糖兄妹
組合小塵埃推出首張唱片《Be Little》，一向玩英文歌的他們首次挑戰廣東歌《我愛京達卡》。主音Pollie表示：「我哋兩年前成立，一直以英文歌為主，今年想有新嘗試，其實寫英文詞方便啲，直接啲表達到想法，中文詞要有更好水平先寫到。」
高大的男樂手Johnathan拍住嬌小的Pollie，形象就如糖兄妹，兩人坦言不怕被比較：「外形上係有啲似，不過我哋音樂風格好極端，同埋我哋行外國風。」不過糖兄試過唱片封面被貼上價錢貼紙，兩人可擔心步此後塵？Pollie笑言：「唔會，我哋對封面設計有信心，兩個都係主角！」