E奶謝安琪獨愛濕漉漉
有「E奶謝安琪」之稱的崔碧珈（Anita）向來大方，不介意別人討論其豐滿身材，更願作性感演出。身為女神應該有不少仔埋身，連鬼佬都忍不住要「抄佢牌」，但原來Anita竟然係宅女一名，還自爆喜歡濕漉漉的怪癖！
在外國留學的Anita，兩年前在英國讀工商管理系碩士2年級，期間被星探發掘，回港放假時即與唱片公司接洽，可惜唱片公司想她以組合形式出道，但她一心想入電影圈，在巧合情況下加入太陽娛樂，隨即放棄碩士學位。Anita讀書時是啦啦隊及劇團成員，表演欲極強，她興奮地說：「真係好鍾意台上嘅感覺！」雖然入行資歷尚淺，但Anita亦參演過《喜愛夜蒲2》及早前上映的《Delete愛人》，當中令她最難忘的是拍《夜蒲2》時去錯場地，她笑言：「我第一次去嗰個拍攝地點，跟咗班dancer，3-4個鐘先知去錯地方！」
宅女唔蒲
鬼妹仔性格的Anita擁有天使面孔，魔鬼身材，驟眼望上去跟謝安琪有幾分相似，但她卻擁有36E驕人上圍，亦因在電影中常作性感演出，引起網民熱烈討論，她坦言：「我唔介意人討論我嘅身材，都係因為咁先多咗人識，亦唔介意在電影裏作性感演出，只要是工作需要就冇問題，不過就不會全裸。」Anita身材咁好，應該不乏「裙下之臣」，問到是否有好多男性追求？她怕醜地說：「其實我係一個宅女嚟，好少去蒲，不過就比較多外國人會撩我！」她又指在英國留學時，連行街都會被外國人「抄牌」。
熱衷運動
Anita自言愛運動，更經常行山，但就有個怪癖：「我好鍾意流汗！唔鍾意有冷氣嘅地方，又唔鍾意行商場，好討厭化妝！」既然喜歡運動，問到是否喜歡做打女角色，Anita就話：「其實做打女都係個新嘗試，會想試唔同角色，最想做啲比較煽情嘅戲！人生太短，想做自己想做嘅事！」
文：音樂組