呂晶晶暴曬險中暑

呂晶晶早前到內地廣西拍劇，半個月速減五磅。

呂晶晶早前到廣西拍攝明年3月於中央台播放的劇集《農民籃球隊》，晶晶飾演一名三十多歲的事業型女強人，堅強、冷靜、有智慧，她更與曾奪金雞百花影帝的資深演員謝園及有份於《變型金剛：殲滅世紀》飾演國防部部長的巫剛合作，面對一班好戲前輩，晶晶坦言壓力很大：「始終同佢哋演戲節奏好唔夾，格格不入咁，初時壓力大到瞓唔到，半個月瘦咗五磅，不過佢哋好好，慢慢先開始適應。」

吸金換大屋

此劇於農村取景，晶晶經常要暴曬，天氣又熱又濕，令她差點中暑。晶晶謂：「今次好辛苦，又多蚊蟲，自己又發燒，仲差啲中暑，雖然拍大陸劇時間好好，有覺好瞓，但環境同食物都好唔習慣，好在每日不停拍嘢，時間過得好快。」不知是否旅館前身是墳墓，晶晶首日入住時已經歷奇怪事件，她說：「第一晚已經畀鬼『責』，突然郁唔到，因為我信佛，之後擺咗金剛經文喺床頭，真係冇再發生過。」

呂晶晶與金雞百花影帝謝園在農村取景。

（左起）：巫剛、呂晶晶、李強、謝園 呂晶晶開心能跟內地前輩合作。

晶晶將於9月以接近七位數字酬勞接拍另一套劇集，早前於香港買了樓的她坦言想賣出，再買一間較大的物業，笑言現時要努力搵錢。

文：影視組