陳嘉桓紮筏出海慶合合
陳嘉桓為有線競賽節目擔任評判，更被臨時拉夫充當參賽者做「港女」，烈日當空下要砌木筏和出海，熱得發滾的她表示有勤練功，少少考驗難不倒她。
藝人陳嘉桓為有線電視娛樂台全新競賽式真人show節目「十萬蚊港女大翻身」擔任嘉賓評判，日前到了北潭涌度假營進行錄影「自製木筏漂流大戰」。由於十二位參賽者其中一位缺席，陳嘉桓被臨時拉夫充當參賽者。當日烈日當空，陳嘉桓化身「港女」與十一位參賽者在營地紮木筏，功夫了得的她落力參與，指揮隊員分工合作，見她落手落腳綁繩造筏，有板有眼，滿頭大汗在所不計。完成後六位成員一同以「六朵金花」為名的木筏出海，途中眾人要兼顧食蕉難免分心，幸好木筏結實未有翻沉，但眾人航行時未見協調，令木筏差點撞崖。
無緣爭十萬蚊
事後陳嘉桓表示臨時落場有點緊張，但順利完成賽事感到很有滿足感，指比賽是講求合作性，她說：「天氣真係好熱，但應承咗參加就一定要盡力投入。平時都有練功所以體力不成問題，不過我係客串一集，冇機會角逐十萬蚊獎金。」
同場，組合Donut成員兼參賽者金慧君（金金）表現落力，但卻不時出錯要人提點，她說：「今次考技巧，同埋我唔識游水，好在有救生衣都冇咁驚。」而參賽者黃麗珊則表示上回包尾故今次必須努力攞分。
文：影視組