千嬅性感爆燈博校長加分
已為人母的楊千嬅化身「Sexy Mommy」，在新MV中身穿魚網絲襪，並佩戴皮器，不斷扭腰自摸大騷女人味，她更揚言將推出「威力加強版」，務求連囝囝學校校長都讚好。
歌手楊千嬅昨日舉行新歌MV發布會，MV中千嬅以多款性感造型大跳熱舞，連主持森美都抵死問到：「點解結咗婚、生埋仔先嚟行性感？」千嬅即「大笑姑婆」上身話：「上次去金像獎嗰條裙仲性感啦，仲要畀人以為我掉轉咗嚟着，勁唔開心！」
千嬅又大賣關子話未來會有《色惑》MV增強版，叫大家拭目以待，問到老公丁子高點睇新造型？她笑指：「佢話識我咁耐都未見過。（有冇叫你屋企着？）太貴喇，買唔起！」
拍戲暴曬 傷上加傷
提到有網民話千嬅的新Look太重口味，又有報道指MV是一個澳門脫衣騷的主題曲，千嬅一於少理：「當係話題性囉，但嗰囝覺得我似米奇老鼠。」她又表示不擔心將來帶囝囝見學校時會受影響，反而相信校長會覺得千嬅好專業。
現場見千嬅的心口同手臂通紅，她笑言自己一級燒傷，又話：「拍戲曬傷，日前丁生仲拍我手臂叫我斟水，我痛到鬧番佢轉頭。」
文：音樂組
攝：唐豁莊