Jeana自認男女通殺
o靚模何佩瑜（Jeana）昨日為好友梁梓禧及茜利妹出書而現身灣仔書展撐場。梁梓禧更作狀向她索吻，嚇得她連連退後！
Jeana大爆梁梓禧曾到訪新居「搗亂」，玩到癲，談到梁梓禧聲稱要為她介紹男友，她說：「我未有男友，如果有高大同大隻過我，畀到安全感嘅女仔追我，我都唔抗拒。（男女通殺？）係呀！」她自爆曾於女校收花：「試過收到剷青好型嘅女仔送花。（好冧？）驚訝同錯愕，冇發展到。依家大個咗覺得佢哋細心過男仔！」對於騎呢組合AD2的Amy當街剝衫露假點，Jeana笑言：「觀眾係聰明嘅，觀眾知咩事就ＯＫ啦！」
