黃榕冬甩結盟辣火頭
今年33歲的「寫真戰元老」黃榕對出寫真樂此不疲，第四度出戰的她昨日谷胸穿熱褲現身書展，與o靚模組合冬甩兩位成員陳芷敏（Elke）和陶嘉瑩（Elise）交換寫真，更標榜自己和冬甩都是純天然，絕冇假大胸！
黃榕昨與o靚模組合冬甩成員Elke及Elise現身書展進行交換寫真儀式，穿Bra Top及超短熱褲的黃榕性感登場，反觀Elke和Elise穿得密實，「榕姨」先贏一仗！「先兵後禮」的黃榕強調跟冬甩交換寫真全因大家夠天然：「睇過其他模特兒寫真，發覺其他人啲寫真極悶，而且佢哋個個一樣樣，我都認唔到，啲胸形又好奇怪。」對於日前在書展外「三點盡露」的o靚模組合AD2成員Amy（艾美琦），黃榕明寸說：「唔明做咩無喇喇除衫，新一輩嘅模特兒都幾奇怪。」
寸對手騎呢
談到早前與朱壽仁主席跳森巴舞時被觸及敏感部位，她直言：「唔開心，網上評論都麻麻，想快啲洗去污名，所以下個禮拜會喺跳鋼管舞學校搞多次騷，到時淨係會着Bra Top同三角褲。」
至於Elke和Elise與黃榕極啱嘴形，Elke寸爆其他模特兒太多奇招：「破壞晒啲風氣，書展宣傳都同佢哋分開搞。」雖然Elke未有指名道姓直指Amy，但她諷刺說：「搞到似《歡樂滿東華》咁，不過都幾好睇，有小丑表演。」自稱行清純路線的Elise暗寸早前夜撻盛品儒的「嫩口謝安琪」Ashina搞男女關係博上位，同時讚自己公開試成績佳：「考咗26分幾滿意。之前好勤力溫書冇時間識男仔搞新聞。」對於書展禁o靚模入場，黃榕及冬甩自言攞正牌。問到負責人關小姐有否申請？她說：「我哋有同貿發局講，所以佢哋都有派保安維持秩序。」
文：專案組