嘉玲冇飛 搵楊受成求救

昨晚英皇集團主席楊受成出席保良局慈善舞台劇首演─英皇娛樂巨獻《杜老誌》，楊生以舞台劇出品人身份偕太太陸小曼現身，不少明星都有送上花籃，包括嘉玲的影帝老公梁朝偉、謝霆鋒、大美人關之琳、歌神張學友與太太、楊千嬅及丁子高和謝安琪及張繼聰等。

任基仔揀賀禮

楊生自言對此劇非常期待，自爆「周身飛債」，他笑說：「全城撲飛，希望可以繼續做落去，會加場，都有諗過巡迴演出。（係咪好多人搵你買飛？）好多，連劉嘉玲都搵我買飛，離晒譜，我話我都冇飛。」

劉嘉玲與梁嘉輝合作舞台劇，首場反應熱烈。	梁李少霞（左起）、毛俊輝、陸小曼、楊受成	鄧鉅明夫婦撐嘉玲場。

近日娛樂圈喜事重重，對於旗下歌手古巨基結婚？楊生稱十分開心，祝福二人早生貴子：「佢一落機就打畀我，除咗屋企人，第一個就係通知我，佢哋拍咗20年拖，唔容易，快啲生個BB。」出名愛錫旗下藝人的他，更大手筆謂任由基仔開條件送禮。

蕭定一與老婆齊捧場。	蔡李惠莉十年後再撐《杜老誌》。	放大圖片

圓圓肚大等生

而同場的「玩具大王」蔡志明太太蔡李惠莉單拖出席，亦有蕭定一夫婦，至於蔡太透露很喜歡看舞台劇，對於嘉玲演出甚有期望，十年前更已是捧場客：「我覺得非常好，佢十年前做過一次，今次難得同梁家輝、謝君豪合作，好大卡士，好有信心做得好睇。」

談到將快臨盆的新抱汪圓圓情況？她透露圓圓肚子非常大，兒子加讚已準備好BB用品，記者笑問她會否不准圓圓出街？她笑說：「唔會，仲會叫佢行多啲，臨生要郁動多啲。」

文：名人組