鄭嘉穎內地爭視帝

藝人鄭嘉穎、楊怡和高海寧昨日為無綫新劇《天眼》拍外景，拍攝鄭嘉穎在鬧市騎電單追賊的場面，由於現實中他沒有電單車牌，故由替身上陣。鄭嘉穎表示年輕時曾要求學電單車，但遭母親反對：「佢話如果我考就同我斷絕母子關係，至今我都冇考到，都係一個遺憾，揸電單車好型o架。」

高海寧自認筍盤

對於有雜誌指他牽涉入其表妹的婚姻問題，嘉穎不滿說：「自己做藝人食得鹹魚抵得渴，但唔好涉及我屋企人，已經到咗我底線。家人毋須受呢啲誣蔑同不實報道，尤其呢啲咁敏感問題，亂作一通，我一定要有行動，會同律師商量吓出律師信。」同場的高海寧拍攝介紹楊怡給嘉穎認識的戲份，問到劇中對手洪永城是「筍盤」，她會否考慮？她笑說：「我筍過佢喎。」

嘉穎和楊怡老友鬼鬼，合作拍劇早有默契。	高海寧笑言不做媒人，有筍盤先留給自己。	黃嘉樂入圍「中國電視金鷹獎」的最佳電視劇男演員。（資料圖片）

此外，鄭嘉穎入圍「第二十七屆中國電視金鷹獎」角逐「最佳電視劇男演員」，他說：「內地咁多演員同劇集，競爭好強，能夠入圍已經好開心。」對於同是演員的「好兄弟」黃嘉樂憑《媽祖》同樣入圍最佳電視劇男演員，嘉穎表示戥他高興，希望香港藝人在內地可以有點成績。

黃嘉樂喜獲提名

而黃嘉樂笑言可以跟「大佬」鄭嘉穎一起獲提名已感榮幸，他謂：「始終全中國有咁多演員，能夠看在評委眼裏，都係一大鼓勵。（希望攞到公司台慶獎？）當然希望，希望今年有份提名。」除了黃嘉樂外，呂晶晶也憑《媽祖》獲提名金鷹獎電視劇女演員。呂晶晶接受電話訪問時坦言意外，但不諱言此劇為她帶來不少「進帳」，最近便以七位數字接拍內地劇。

文：影視組