Super Girls騎呢女人味
女子組合Super Girls昨日現身電台宣傳新歌《鎂光燈下》，成員Yanny因病缺席，提到新歌MV拍攝時，四人笑言擺性感甫士非常困難，排舞師更要親自教導她們，Heidi說：「我哋做啲動作做到好騎呢！」因為MV要強調女人味，故各人都穿上七吋高踭鞋，Cheronna更在拍攝期間差點仆倒，隊長Aka則說：「好開心呀！因為個MV我哋先着到咁貴嘅高踭鞋，對對都八千蚊以上！」
Super Girls坦言因為MV形象非常性感，故打底工夫要做得好，更為新形象感到新鮮，成員Jessica說：「依個MV係入行以嚟最難，又要扭身，又要平衡，可以睇到我哋嘅技術！」新MV約在兩星期後推出，希望新形象可以吸引到更多粉絲。