清穗久美子 試摸證真胸
34D日模清穗久美子（Kumiko）及33D韓模金愛妍（Kim）被本地薑蕊蕊寸打假波，Kumiko即場摸胸力證真胸，更向現場記者笑言：「你哋想唔想摸吓？」以示真「胸」不怕洪爐火。
名模Mandy Lieu模特兒公司力捧的「雙K」34D日模清穗久美子（Kumiko）及33D韓模金愛妍（Kim）昨日與歌手鍾舒漫（Sherman）、許靖韻、藝人黃芷晴等，出席香港貿發局舉行的香港時裝節「NARS-RUNWAY TO REALWAY」活動，名模Rosemary及貝安琪即場擔任模特兒。
反擊唔識蕊蕊
今年將推出寫真的「雙K」被同樣會出寫真的蕊蕊及「藍莓」劉俐齊齊寸她們零知名度，蕊蕊更直指她們的胸部有點硬、不自然，暗寸她們打假波。對此，Kumiko亦不甘示弱反擊不知道蕊蕊是誰，亦沒看過其他o靚模的寫真。問到Kumiko是否真材實料？她即時用手摸自己的胸部，強調是真材實料，並向記者笑說：「你哋想唔想摸吓？」問到被指假波會否生氣？她說：「冇問題，唔使嬲。（去拎醫生紙證明係真嘅？）唔使咁做，我哋好有自信。不過要多謝佢，佢話覺得我哋整過，即係讚我哋靚。啲人係覺得好先至會攻擊，如果覺得麻麻哋就唔會理。」
鍾舒漫執二攤
自言愛買化妝品的Sherman坦言男友吳浩康未曾送過化妝品給她，卻大爆會把用過的二手護膚品送給她。Sherman說：「佢收到啲贊助嘅護膚品，用用吓就送咗畀我。男仔冇女仔咁姿整，佢覺得用極都用唔晒就送畀我，我又覺得冇所謂。」
文：名人組