靚靚圓心願 喊爆謝老公
張智霖（Chilam）前晚繼續在紅館為其《CHILAM CRAZY HOURS LIVE 2014》演唱會進行第二場演出，獲杜德偉、蘇志威、丁子高、樂易玲等圈中人捧場。然而台下星光熠熠卻比不上台上震撼，其太太袁詠儀（靚靚）任特別嘉賓，夫妻首次於紅館同台。她以全黑型格打扮演繹已故梅艷芳的《夢伴》，即引來全場起哄。
得圓紅館演唱的靚靚只唱了數句便嗌停音樂，有感而發地說：「佢綵排得如火如荼呢兩個月，我去咗青島拍戲，換句話，佢要應付沉重工作之外，仲要應付屋企大、小事務。返到嚟見到屋企事務全部妥妥貼貼，我阿媽面色好咗，個仔又肥咗，只係得佢瘦咗好多。」
已開始眼濕濕的靚靚續稱，為了報答老公即轉身攬着他：「點知佢仲攰過我，郁都唔郁，諗住錫佢，但我聞到一陣藥油味，嗰一刻我望住佢為咗事業、家庭，不停鞭策自己，我再一次同自己講『我冇嫁錯呢個人』。」又稱兩人拍拖初期，外界經常稱Chilam為「袁詠儀男朋友」，直至今日終聽到人稱她是「張智霖老婆」，靚靚又含淚感謝丈夫多年來的不離不棄，給她溫暖的家，也給她和囝囝「魔童」的愛。此時Chilam拿紙巾上台，靚靚即說：「多謝你，老公！」場面溫馨感人。
男歌迷即場求婚
見到靚靚哭成淚人，Chilam即送上一曲《今生今世》給她，而回復搞笑本色的靚靚則圓心願，在紅館舞台走了一圈。
而演唱會尾段更發生一段小插曲，一對專誠來港睇騷的情侶，男方在演唱會上向女友求婚，因男方暗中在微博私信Chilam，希望他能提供協助，被男方感動的Chilam就送上《分分鐘需要你》，賀男方求婚成功。
文：音樂組