蔡一鳳親爆：我哋分咗手
盛品儒女友蔡一鳳（Michelle）昨晚大爆上周五已和盛品儒（James）和平分手，大前晚男方被爆背女偷食，她體諒的說：「知佢心情都唔好，其實佢都係錫吓塊面，just a goodbye kiss。」她強調二人分手仍是好友，又坦言分手一事處理低調，未有向家人交代：「不過都驚佢哋睇到報道會擔心。」
有指男方非常花弗，Michelle說絕無此事，更出言維護：「其實James好乖，佢唔出街，係宅男嚟，成日匿喺屋企打機，所以佢一啲都唔花心。」與他分手主因是缺乏私隱！
至於與盛品儒曾傳緋聞又與Michelle友好的前亞姐黎虹讌昨日力證Michelle備受壓力：「佢哋成日畀人影，搞到成日鬧交同話要分手。佢哋分咗手都係好朋友，尋晚（前晚）仲同圍內朋友一齊食飯，絕對冇為呢件事而唔開心。」