祖藍關照李亞男做茄哩啡
王祖藍與女友李亞男聯同郭晉安、康華等日前在銅鑼灣鬧巿取景為無綫新劇《老表，你好Hea！》開工，拍攝王祖藍為李亞男角逐視后而到鬧市向途人拉票的戲份。當日烈日當空，李亞男穿上貼身連身裙進行拍攝，熱得滿頭大汗仍落力派傳單拉票，問到與男友合作的感覺？她說：「初頭都以為自己會忍唔到笑，但點知佢都幾正經。（關照你？）耐唔耐都會嘅，哈哈！」
「佢係花瓶」
對於女友亞男是否視后級數，祖藍說：「佢喺我心目中一直都係最佳女主角。（佢劇中表現點？）佢可以善用自己優點同缺點，佢優點係一個花瓶，劇中都係一個花瓶。（特別照顧女友？）佢直情係茄哩啡，我會搞到佢做一個茄哩啡。」
此外，祖藍前晚為無綫節目《Sunday扮嘢王》錄影，身為主持兼隊長的祖藍，見一班前輩如魯振順、黃俊棠及王維德扮演的「天堂老鳥」互鬥扮嘢，表現落力大為敬佩。至於亞男昨日出席無綫《2014FIFA巴西世界盃全城興奮共迎八強奪位戰》期間，邀請小朋友上台玩遊戲時不慎將足球踢向一位小妹妹的頭部，小妹妹旋即眼淚湧現，亞男即上前予以安慰，母愛氾濫。
文：影視組