張嘉兒賭「德」high

支持德國隊的張嘉兒，昨日出席《2014 FIFA巴西世盃》全城興奮共迎八強奪位戰活動，雖然嘉兒表明喜歡德國隊，卻因愛瞓覺而少睇波，不過其家人則愛邊睇波邊吃小食，故此家中有很多花生、啤酒，嘉兒笑言：「我負責事後清潔，好似啤酒清潔女郎咁，我仲同朋友輸賭一百元估德國贏，之後覺得睇波投入啲！」至於曾在德國留學的蔡思貝，當然熱捧德國隊，前晚出席無綫足球活動的她，卻因忙為暑假節目拍攝踩滑板宣傳片，少飲水而雙眼滿布紅筋：「要吊威吔踩滑板，膊頭都刮損咗，用Stop-motion拍！（同鄭俊弘傳緋聞嚇怕男士追求﹖）唔會，我好多男仔朋友，佢哋都係識咗十幾年嘅小學同學，我哋都會成班人出街！」