Liddy九月中蒲頭谷戲

電影《四非》導演黃柏基前晚出席首映，被問到《四》女主角、彭順小三兼轟動全港的槍擊案兇手女兒李悅彤（Liddy）的近況，黃柏基表示與Liddy有保持whatsapp聯絡，問到對方心情，他說：「有問候佢，但冇咩交流心情，佢都冇訴苦，主要傾工作，套戲十月上映，佢初步答應會幫手宣傳，宣傳期係九月中，但好多嘢未firm，要再傾。（佢擔心拖累票房？）呢啲冇傾！（驚佢工作壓力太大？）會畀晒工作日程佢，佢自己再衡量。」另黃柏基透露有跟師傅彭順聯絡關心對方，形容對方心情「還可以」。