馬賽從一而終 樂瞳捧荷蘭

四年一度世界盃賽事進行得如火如荼，今晚就進入八強淘汰賽。法國大戰德國、巴西對哥倫比亞兩場重頭戲，不少藝人都擔定櫈仔睇好波。女星馬賽講明對德國隊忠心耿耿，她說：「入得十六強嘅隊伍都係勢均力敵o架嘞。不過由一開始我已經睇好德國隊，實力平均之餘仲比較高水準，即使佢哋之前踢到危危乎，但無論點都好，我依然會支持佢哋！」而樂瞳就坦言鍾意追睇世界盃賽事的搞笑位，她說：「葡萄牙隊員比比攞個頭頂人、烏拉圭蘇亞雷斯咬人，都幾好笑o架。而我就撐荷蘭奪盃嘅！」

而藝人李逸朗就唱反調話荷蘭應該八強或四強便會止步，他又說：「今年好大路巴西贏啦，因為其他球隊喺咁熱嘅地方都發揮唔到水準，荷蘭八強或四強止步。球星方面我鍾意阿根廷個美斯，因為我鍾意唔係太高嘅球星。不過我今年買波已經輸咗幾百蚊。」

樂瞳認為荷蘭隊有望奪盃。

「世波女」之一的李珈立被質疑借知名度到夜場搵外快。

「世波女」疑接夜場job

而有讀者料指節目「低俗講波團」中有三位「世波女」張芷瑜、伍珠紅和李珈立到夜場工作，被質疑是公司派她們出去搵錢，還是透過知名度自己出去揾外快。收費電視行政總裁杜之克說：「其實八強賽事節目，只安排部分女仔亮相，而其他不用亮相嘅女仔喺呢段時間係可以出去接工作。至於夜場用『低俗講波團』作招徠，咁就要視乎有否傷害個名聲，如有商業上利益牴觸，會保留追究權利。」

另外，藝人馬賽及樂瞳昨日出席無綫舉辦的七月藝人生日會，馬賽表示生日會反送禮物給父母、約家人、朋友同fans食飯，希望大家身體健康。而樂瞳生日願望是有機會當主持工作。

文：娛樂組