黃秋生演無綫劇零挑戰性

穿民初長衫戲服的黃秋生，自嘲造型似「公公」。

影帝黃秋生前晚首日返電視廣播城為監製王心慰的新劇《梟雄》開工，身穿灰色民初長衫戲服的他自言好緊張，又笑言造型似「公公」，他謙稱：「唔知點做，唔識做。（唔識？）好出奇？幾跑得嘅人偶然都會仆低。」他又表示雖然角色未算複雜，但仍未能揣摩到角色，說到飾演其年輕版的馬國明將會跟他研究角色，秋生坦言：「真係唔識講。」問到做舞台劇難還是拍劇難？他謂：「舞台劇，話拍劇難一定玩人啦！依家睇咗六集劇本，冇乜挑戰，好似叫個奧運跳高選手去跳繩咁！」

乘機（目及）女

劇中秋生將與胡杏兒有不少對手戲，對於杏兒這位拍檔，秋生大讚：「幾靚女、幾正，睇過佢以前啲戲都幾好，如果對住啲唔靚，就做唔到戲，冇交流，最緊要個樣唔好討厭，蘇玉華就有大婆相，我個角色應該要有四個老婆，兩個太少！」而不少藝人和工作人員都坦言想觀摩秋生演戲，他反指好驚並打趣表示：「我返嚟都係想嘻嘻哈哈過日辰，睇吓靚女走嚟走去。」認真風趣。

秋生大讚胡杏兒（左）與蘇玉華演技。（資料圖片）

馬國明揚言要偷師跟影帝秋生學戲。

飾演秋生年輕版的馬國明坦言特意返來看秋生拍戲，馬國明謂：「我都係第一次做年輕版角色，所以要睇吓秋生哥有乜嘢設計咗落個角色度。（一齊度？）唔會啦，我都係聽o架咋。」問和秋生沒有對手戲會否可惜？他就指做年輕版緊要過做對手戲，馬國明說：「難得可以窺探吓影帝點設計角色，一定學到好多嘢！」而正在拍攝《天眼》的洪永城表示有時間都會過廠觀摩一下秋生做戲。

文：影視組