李詩韻潛水 遇急流險死

李詩韻與馬國明坐埋一條船玩得投入。

藝員馬國明、李詩韻、林夏薇、陳國邦、敖嘉年及曹永廉等昨日到黃竹坑某酒店泳池冒雨為無綫劇集《寒山潛龍》宣傳，李詩韻與林夏薇被眾藝員以水槍狙擊狂射，未落水已經濕身。李詩韻更被推落水笑謂可能是到新加坡拍劇數月，同事少見她故十分熱情。李詩韻坦言被推落水時有點害怕，原來她數星期前到印尼科莫多島潛水遇急流幾乎喪命，她說：「潛水遇到好勁嘅急流，真係差啲冇命，當時連個面罩都沖甩咗，自己抓住石頭，但最後都畀急流沖到撞咗埋石邊，手腳都瘀晒，但係好好彩就係沖咗埋石邊先至脫險。」

林夏薇遭射溶妝

林夏薇昨日因緊接要為劇集《天眼》開工，事先張揚玩水槍大戰時不許射面，但眾藝員卻懶理狂射她的面，令她連化妝都溶掉，要重新再上妝。講到有傳林峯弟弟與吳千語不和，林夏薇說：「佢哋關係冇問題，最緊要係佢哋開心啫！」

李詩韻透露早前在印尼潛水遇急流險死，令她有點怕水。

林夏薇下令不准用水槍射面，最終由頭濕到落腳。

馬國明剛拍攝完劇集《流氓皇帝》外景返港，緊接將參與拍攝重頭劇《梟雄》飾演黃秋生的年輕時期，雖然劇中與秋生沒對手戲，但馬國明謂屆時也會入廠看秋生演戲偷師：「做秋生嘅年輕版都有壓力，都要睇住秋生點做角色先連貫到。」馬國明在《衝上雲霄2》中被近期在殘廁Gathering的林芊妤（Coffee）胸壓甚有艷福，講到Coffee事件或遭無綫解約，他笑說：「佢冇邀請過我Gathering喎，我真係失敗。自己唔清楚事件，但唔使解約啩，可能有轉機，等公司決定啦！」

文：影視組