娜姐寸哨牙蘇 不如咬雞髀！

昨日凌晨世界盃上演死亡D組生死戰，最終烏拉圭險勝一球將意大利踢出局，但全場最精彩場面是烏拉圭前鋒蘇亞雷斯出口咬意國後防基亞連尼的膊頭，早有前科的「哨牙蘇」死性不改，其怪行引來不少星級球迷狂踩！

張智霖：唔想睇波

向來有睇波的女星周秀娜對於咬人事件表示驚訝，認為「哨牙蘇」應好好控制自己或搵醫生求助：「踢波係用腳踢，唔係用口，如果佢咁有牙力，賽前可以食吓牛扒、雞髀，唔好咬人，希望畀佢咬嘅人唔好有陰影，畀着我實嚇親！」她又認為傷害人的行為應受罰，質疑球證為何不當場逐他離場。

陳庭欣質疑「哨牙蘇」鍾意咬人是病態。

馬國明

張智霖則認為今屆賽事太多怪行及爆冷，令本身是球迷的他不想再睇波：「好光怪陸離，我都冇咩興趣追看，好多賽果都匪夷所思，不如睇我演唱會啦。」港姐陳庭欣則懷疑「哨牙蘇」有病未能自控：「咬人當然係唔啱，但佢係咪病態，一緊張就要咬人？下次不如咬自己啦！咁就唔會畀人罰。（點睇秋後算帳罰佢？）電視影到晒，其實係對意大利唔公平，當時如果球證罰12碼，賽果可能改寫，但有傳罰佢停賽兩年都幾重。」

張智霖

阿叻

馬國明：球證不公

至於陳百祥認為烏拉圭小勝合理，但「哨牙蘇」咬人是他個人的事：「呢個同球技無關，不過下場如果佢停賽，同哥倫比亞對壘就有可能輸！」意大利fans李珊珊在微博向愛隊致敬之餘，亦狂踩「哨牙蘇」：「有沒有醫生或高人能解讀一下蘇亞雷斯總愛咬人之行為？……上天保祐，祈求他千萬不要來季加盟我愛的巴塞隆拿。」馬國明亦覺得蘇亞雷斯咬人沒被罰，球證判決不公。不過，Rubberband的阿偉卻力撐「哨牙蘇」：「我係利物浦fans，好鍾意蘇亞雷斯，可能佢太重視場波啦！我唔會因為咁唔鍾意佢，我欣賞嘅係佢嘅腳法！」

文：影視組