麟李彈英軍失望冇朋友

昨日凌晨世界盃上演英格蘭對烏拉圭大戰，圈中英格蘭擁躉如李克勤、譚詠麟（阿倫）及趙學而等都捱眼瞓支持愛隊，惜英格蘭最後落敗，處於出局邊緣，作為英軍忠粉的克勤和學而對賽果難以接受，更搞到失眠，克勤在微博說︰「點瞓得着，真係失望到『冇朋友』!」又大彈一班英格蘭國腳表現差成輸波原因。阿倫亦留言認同︰「英格蘭全隊打出來冇form（陣式），中場冇重心，球員進攻冇方向，在這種高級組賽事寸步難行，後防點會三番四次對錯誤視若無睹！」