泳兒「瘦」色可餐挑Kay

泳兒低胸又露腰，騷少少性感。

前晚無綫直播《2014勁歌金曲優秀選第一回》，「星夢娛樂」旗下歌手鍾嘉欣、鄭俊弘、許廷鏗、林師傑和吳若希等成績斐然，連奪五個獎項，在《愛．回家》中演「木偶哥」而上位的林師傑首次在《優秀選》得獎，他上台時激動得眼濕濕，落台後更人前灑淚。而英皇娛樂旗下歌手亦不遑多讓，容祖兒、古巨基、張敬軒、泳兒和洪卓立在廿首得獎歌曲中連掃六獎，至於餘下的獎項分別由張智霖、王菀之、鄭欣宜、小肥等歌手瓜分。

慶祝父親節做榜樣

泳兒以一身低胸露腰裝性感上陣，還說：「少少性感啫！」她表示之前一日試衫，造型師極力推介她穿這套「戰衣」，初時都覺得太性感，終於經不起造型師落力游說，才決定接受挑戰：「係近期嘅極限o架喇！」為了望落更纖瘦，泳兒特意跑完步才出席活動：「着呢件衫有難度，要企得直又要縮肚，仲要安全措施。」

謝安琪初任嘉賓司儀，沒有爭獎壓力，分外輕鬆。

「星夢幫」的鄭俊弘（右起）、鄭世豪、姚兵及羅鈞滿亦有出席勁歌金曲優秀選。

至於謝安琪（Kay）雖然沒有候選歌曲，但首次上台做嘉賓司儀同樣開心：「第一次做《勁歌》嘅司儀！同埋今日獲獎嘅歌手都係我好好嘅朋友，鏗鏗（許廷鏗）呀、欣宜呀、木偶哥（林師傑）呀，木偶哥第一次攞獎，我見佢頭先喊我都好感動。」昨日父親節Kay會和爸爸慶祝並送上香水為禮，笑言孝順父母給兒子張瞻做個好榜樣！如何替老公張繼聰慶祝？Kay說：「嗰part交畀個仔，之前瞻瞻生日收咗好多禮物，佢會將朋友送嘅禮物轉贈畀爸爸。」

文：影視組