早前在韓國首爾舉行的第50屆百想藝術大賞，韓星雲集，而紅地氈環節更是一眾女星的前哨戰場，定必爭妍鬥麗一番。近期人氣爆燈的全智賢就以一襲粉紅色bling bling低胸晚裝，艷壓群芳，果然不負大會頒予她的時尚獎榮譽。而在荷里活的女星即使沒有大型頒獎禮，出席電影首映禮一樣會以晚裝上陣，非常隆重。名模陳嘉容（Eunis）對此就十分欣賞，認為寧可over dress也不要under dress。Eunis又大讚全智賢打扮儼如女神，嫵媚兼有少女味。Angelina Jolie（安祖蓮娜祖莉）則星味十足，性感高貴。
「好靚好有女神feel，散發女性嫵媚，同時又有少女味道，高貴飄逸得嚟流露青春調皮況味，露肩設計騷到佢個白滑香肩，高格調嘅性感，佢身形好勻稱，着得好靚，個手袋都好襯。」
「着錯衫，如果佢高多5吋就會好靚，佢依家着到腳短、腰粗、顯得肥，好慘，呢款裙要真係高瘦嘅人着先好睇，佢嘅身形着就好累贅同好重，如果係雪紡或喱士質料會好啲。」
「平凡得一啲都唔搶鏡，着咁plain嘅晚裝仲要係low cut設計，可以襯啲閃爍嘅珠寶，更加簡潔得搶眼。」
「靚，高貴優雅，表露到佢優美嘅身材，紅色裙襯紅唇好突出搶眼，total look有花心思去配襯過，但紅手袋有少少too much，換成銀色或金色可以balance個tone，頭髮放落嚟會更sexy。」
「令人眼前一亮，好有明星風範，星味十足，性感高貴，好襯佢嘅style，紮起頭髮感覺乾淨舒服，佢條裙好多details，配襯簡單首飾恰到好處。」
「條裙好靚，好有壓場感，高貴與型格兼備，配埋個髮型感覺好時尚。條chocker襯得好靚，令total look更加突出，有畫龍點睛嘅效果。」
要數時裝界永恒不變的元素，Lace一定有份，深受設計師喜愛，這股Amazing Lace魔力在2014春夏系列中繼續大放異彩。Lace予人女性化的溫柔嫵媚，高貴優雅，同時又散發神秘性感魅力。一襲Lace晚裝裙絕對有艷壓全場的攝人魅力，美國性感女星史嘉娜祖漢遜（Scarlett Johansson）以白色Lace Top襯黑色Lace Skirt，充滿女人味。
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝理論或實戰都難不倒她，近年更為電視時裝節目擔任主持，化身stylist教人配襯衣着打扮。