杜德偉獲君如撐「極度Duck」

杜德偉相隔21年再踏紅館，high爆宣布加場。

金鴨還人情

有紅底贈興之餘，舊愛吳君如更驚喜現身，大讚Alex極度有型又跳得，不過，卻取笑Alex每次見到她總面露尷尬樣，未知是否仍有心跳感覺。君如還送上金鴨，答謝他早前客串其電影，兼再要求他拍一部《金鴨》，引得哄堂大笑。

君如又搞鬼謂：「今次我哋係宣布你老婆……有……唔係呢啲，係宣布你加場。」之後指Alex依然有型靚仔，堪稱「極度德（Duck）」相當搞笑。 問到君如當年是否被Alex的尷尬樣迷倒？君如笑謂：「唔講呢啲，往事只能回味，從來唔話當年，因為已經廿五年前嘅事。」

君如送上金鴨為Alex打氣兼大搞氣氛。

Alex獲贊助商送上三角紅底褲祝賀。

嘉賓仍未定

至於問到Alex可會請當年合唱拍檔葉蒨文（Sally）及蘇慧倫做嘉賓？Alex指Sally演唱會那段時間，應在加拿大，還在聯絡當中。而蘇慧倫則結了婚，未知是否有小朋友，所以未有想到作邀請。此外，問到可知老友蘇永康年底結婚？Alex稱：「呢幾日都有通電話，但未聽佢講，咁老友結婚到時一定送大禮嘅。」

文：音樂組