二房女婿：沉重嘅決定

張耀榮3月25日突然逝世後，原本已屢傳不和的長房與二房，對管理耀榮娛樂出現意見分歧，據今期《好報》報道張耀榮兩房為錢反枱掰面，長房三子最近重掌話事權，並將二房女兒張麗芳（Lily）踢出局，而其夫婿「鞋王」鄧劍群兒子鄧偉業未能討回投資演唱會的七位數字款項，前日正式入稟高院，申請將張耀榮及其長房兒子名下的耀榮娛樂有限公司清盤，案件排期8月13日在高院提訊。

太太身份尷尬

昨日耀榮娛樂被申請清盤曝光後，本報聯絡到正身在外地的鄧偉業，他在電話中表示：「今次絕對係個沉重嘅決定，對於張生本人，佢真係一個大好人，做生意均真、勤奮，對人重情義，過去合作上，我喺佢身上學到好多嘢。外父走咗，我同耀榮娛樂嘅合作真係面臨困難，經過兩個月多次協商，都無法確定同攞番我嘅投資，今日走到呢一步，真係無可奈何又迫不得已嘅決定。」鄧偉業透露投資與耀榮娛樂合作搞演唱會，每次都有合約證明在手：「都係外父自己提出要立合約，佢話生意還生意，一定要做合約保障大家合作關係。」問到太太Lily是否支持他的決定？鄧偉業則維護太太說：「呢件係商業糾紛，唔係家事，我盡量唔想佢知太多同參與，佢身份尷尬，唔想佢難做。」

「當佢哋屋企人」

至於Lily則坦言為事件而不開心，她稱父親曾欲將公司轉名給她，但自己最終拒絕：「我明白爹哋意思，見佢咁操勞都係想幫手，我一直根據佢意願、心意去做，但爹哋走咗，我唔係咁易控制公司事，大家都係爸爸仔女，意見實有，今日行到呢步，我做唔到啲乜，都覺得好可惜。在商言商係商業糾紛，冇話邊個啱邊個錯，喺呢件事上我最唔適合做說客。（同長房關係點？）始終當佢哋係屋企人，佢哋係咪咁諗我唔知。」

另外，身為長房大新抱的Fonny回應：「對入稟一事我都唔知，等我問清楚先，聽晚（即今晚）草蜢演唱會慶功，我再話畀大家聽。」

案件編號：HCCW 154/2014

文：音樂組