曾志偉哀傷別岳母

曾志偉岳母、曾國祥婆婆朱桂金妹女士日前逝世，享年88歲，昨晨在大圍寶福山紀念館進行大殮儀式，志偉於早上七時半抵埗，其後曾國祥獨自現身，女藝人魯芬亦有到場。曾國祥受訪時指婆婆近一年身體轉差，離世當日家人在身邊陪伴：「婆婆上星期呼吸困難，醫生話佢肺積水，心臟都麻麻，好在我趕到去見佢最後一面，好安詳。（最難忘同婆婆嘅往事？）佢睇住我哋大，好掛住佢，婆婆好鍾意粵曲，我哋都燒咗個粵劇禮堂畀佢。」