陳靜盛君讓四球夾硬古仔
女星陳靜與盛君前晚不約而同拋胸出席電影首映禮，合照時男主角古天樂（古仔）站在兩女中間表現生硬，目不斜視兼雙手全程放低不敢亂動。問到古仔是否感到尷尬？他說：「唔通舉高手咩！」
藝人古天樂、陳靜、林家棟、盛君和徐靖雯等人，前晚為主演電影《Z風暴》出席首映禮。陳靜以低胸Tube Dress谷胸到場，盛君身穿白色低胸裝露出事業線「迎戰」，徐靖雯則以大露背裝「還擊」，令全場氣氛高漲。合照時陳靜與盛君夾着男主角古天樂企，古天樂顯得有點生硬，雙手一直放下沒有太大動作，全程目不斜視。
事後問古天樂被兩女「夾擊」是否尷尬，他說：「女仔性感啲ＯＫ嘅。（目不斜視怕誤會？）都唔係嘅，我就冇乜所謂呢啲。（雙手唔敢亂郁？）我不嬲都放中間，唔係放後面就中間，唔通舉高雙手咩。不過DaDa（陳靜）對手永遠穿唔到入件衫個袖度o架，冬天到夏天都係咁，我啲衫褲就好似縮咗水咁拎去着。」
笑古天樂姿整
陳靜被古天樂笑指「手不插袖」，她笑說：「佢頭先先話完我，我話呢個係款嚟o架，依家興韓風麻，下次唔會o架嘞。佢着衫都靚，好姿整。」復出後較少性感示人的陳靜，表示仍未到理想體形，她說：「都少性感o架，今日黐膠紙做足安全措施。我唔介意性感，但仲未去到最理想體形，依家好努力減肥。其實今日件衫好厚，好在呢度冷氣夠凍。（知盛君性感到場？）我唔知o架。（勝一仗？）冇諗過，今日嚟等睇戲。」
同場的曾國祥被問到與女友王敏奕愛得sweet，他說：「係呀。（計劃結婚？）未，啱啱識咋噃。」他表示因要趕赴婆婆喪禮，之後才與女友進場看戲。
文：影視組