孫敬安告鄭多燕誹謗
韓國瘦身天后鄭多燕上月來港開騷，期間突然私下開記招力數主辦商幾宗罪，當時主辦商孫敬安反擊鄭多燕的指控不實，考慮法律追究。事隔一個月，孫敬安決定控告鄭多燕及其經理人誹謗，誓要討回公道。
馬天尼製作公司上月9及10日為鄭多燕假會展舉行兩場跳舞騷，但7,000張門票僅售出300張，令主辦單位勁蝕200萬。雖然孫敬安指曾獲多家韓國事務所表示願意派出旗下藝人無酬義助，但因表演時間限制及節目早已編排好而婉拒。
鄭多燕在第二場表演開始前，突然召開臨時記招，力數主辦單位門票太貴、場地及舞台設施不符預期等。對於鄭多燕指摘，孫敬安當時逐點反擊，更謂必要時可公開合約與鄭多燕方面對質。
願承擔失敗
據知孫敬安原打算事件隨表演結束告一段落，但一直覺得冤屈難伸，決定控告鄭多燕及其經理人誹謗，今日會開記招交代。孫敬安昨接受電話訪問時，直言希望透過法律行動討回公道：「雖然佢哋喺韓國，但唔理得咁多，我哋要攞番個公道。佢哋指控失實，對我哋公司唔公平。」問是否希望對方賠償損失？他說：「最緊要係佢哋道歉，賠償嗰啲要等法庭判。」
孫敬安又謂由始至終都沒有將門票滯銷問題歸咎於對方，但卻被對方反咬一口：「由開始門票賣得唔好，我都承認可能新創意香港人未必接受，我願意承擔，亦冇賴任何人，冇話係佢責任，但佢開騷後嘅指控係失實。」問會否對與韓國藝人合作存有陰影？孫敬安表示：「唔會，韓國嘅藝人好專業，係個別人士嘅事啫。」
文：音樂組