蕊蕊挺胸鬥撼 暗寸舊隊友
擁有E Cup上圍的女歌手蕊蕊今屆殺入寫真戰，以多款性感造型大晒強勁胸器，其中穿比堅尼胸壓池邊及穿內衣瞓梳化的照片，擺明挑戰宅男底線！曾是味之天使「柑桔」的蕊蕊，對於舊戰友「藍莓」劉俐亦將推出寫真，蕊蕊笑言歡迎較量，問到有否信心成為寫真女王？
她暗寸劉俐太瘦欠美感：「我的確付出咗唔少，要減肥得嚟保持上圍有睇頭，唔容易，對自己有信心，身材平均唔算太誇張。（贏藍莓？）佢太瘦喇！我覺得女仔有少少肉地好睇啲。」問到男友金剛是否支持？蕊蕊甜笑說：「佢有嚟探班，仲有參與添！但細節遲啲先透露。」
