台灣偶像汪東城、傅嘉莉、Mandy Lieu及盛朗熙到商場出席活動時，汪東城表示已有年多沒有來港出席活動，大呼：「好掛住大家！」大東今次更投資近3百萬港元落自家品牌設計服飾。
另外，早前在韓國撞車的傅嘉莉表示，赴韓是為拍廣告及出席朋友的婚前派對，事發時坐在座駕右邊的她，感到車門被猛烈撞擊嚇得尖叫，而車輛亦失控了一段路，其後被送院檢查，幸無大礙：「睇住架車撞埋嚟，嗰刻諗到好多嘢，生命真係好脆弱！」又話唔夠膽同家人講，怕家人擔心。
