吳雨霏享受過程尋漂亮人生

入行10年的吳雨霏雖然大嘆香港唱片業難撈,但今年卻連出兩張專輯,實行逆市求存。去年她的路不易行,感情及工作上均遇到挫折,但她冇有怕,還憑歌寄意希望時下女性跟她一樣,要排除困難行出一條美麗大道。

歌手吳雨霏(Kary)今年於娛樂圈度過第10年,當中有着甜酸苦辣,經歷過各種高低起跌,其中香港唱片業逐漸衰落,她坦言因此曾感到相當迷失。由於搵唔到錢,因此她曾諗過放棄唱歌這條路,她說︰「因為唱片業賺唔到錢,有啲人覺得做藝人做歌手好風光,但唔係囉,所以有諗點解仲繼續做落去。」

逆境尋出路

話雖如此,但今年她在這逆境中推出兩張專輯,當中新碟《Across》中憑歌寄意希望時下女性跟她一樣,遇到困難都要堅持下去,她說︰「其中一首歌《麗人行》講緊依家嘅女仔,講點樣去行自己條路,無論前面有幾困難都好,應該漂亮行落去。」

去年Kary的經歷特別多,當中不乏感情上,她直言現在經歷多了,價值觀也轉變,她亦把這種轉變寫在歌中,她說︰「我發覺無論係自己生活中做嘢、朋友、愛情都好緊要,以前我好着重結果,尤其做嘢方面,唔係好享受過程,好似有樣嘢我好想買,我就無論如何聽日一定要得到,但其實人大咗,你會發覺唔係樣樣嘢一定好順利,體會到當中學咗咩嘢最緊要,袋咗幾多嘢落袋,經歷咗幾多嘢。」

搞時裝生意

提到專輯中找來一位外國著名designer合作,她直言學了很多時裝的知識,故笑言若做歌手搵唔到錢,可去搞時裝生意,她說︰「我不嬲對fashion好有興趣,唔排除會有小生意,因為歌手都難搵錢有時要諗下plan B,哈哈,但係我好想睇啱時機先。」至於感情生活,她坦言一切隨緣︰「我覺得順其自然會好啲,唔急嘅,但想,哈哈。」

服裝︰House of Holland

化妝︰Hubie Har@Atelier d'Arris

髮型︰Heibie Mok@Hair Culture

文︰藍裕彤

攝︰秦健輝