何傲芝邪不能勝正有感而發

何傲芝與蕭正楠及黃翠如的三角關係糾纏不清，前晚她到蘭桂坊出席活動首度回應。講到蕭正楠在《東張西望》訪問中向黃翠如示愛，她在微博以「邪不能勝正」回應，何傲芝說：「係睇到訪問，聽到一啲說話，自己有感而發寫出嚟。（正邪指邊個？）冇刻意去指邊個人，希望風波唔會愈嚟愈大。（邊句說話令你有感而發？）唔回應，已經過去咗，唔再重要。」至於與蕭正楠是否仍是朋友？她猶豫說：「大家仲係朋友。」但表示不認識黃翠如，再問是否因第三者分手？有傳黃翠如用蕭正楠手機發合照給她，她都表示不回應。