美棋BB拍拖食飯 負責埋單

藝人黃美棋昨日現身中環為nowTV飲食節目《食guide》擔任嘉賓,自稱為食的她自爆最拿手煮西餐及泰式蝦餅,現時更於網誌中寫食評及介紹地道美食。她自爆經常與朋友外出試菜,問到緋聞男友鍾健威(Ray)是否其「飯友」?她即Sweet爆笑言會互相請客:「我叫人陪我食飯,通常都由我埋單,(Ray要你請客?)有時佢請我,我請返佢。」

問會否請對方食拿手菜炸蝦餅?黃美棋即笑稱Ray未夠好運:「佢未有咁好彩(幾時煮畀佢食?)睇佢有冇運(當作收花後回禮?)都未有人認邊個送(問清楚Ray嗎?)冇問,驚佢答唔係咪好瘀,我呼籲快啲有人認送花啦!」