吳君如越南返港眼濕濕

吳君如從越南返港，當談及老公陳可辛及好友關詠荷的關心叮嚀時，一度感觸眼濕濕。

吳君如以奧比斯大使身份探訪越南，卻遇上當地發生反華示威。幸好她前晚平安返抵香港，一臉疲態的她稱事出突然：「屋企人同朋友不斷傳訊息關心我嘅情況，之前喺山區一直唔知發生乜事，返到酒店先上網睇咩事，屋企人不斷問我平唔平安，連個細路（女兒陳是知）都係咁傳訊息畀我，但係返到酒店時停電，心諗唔知好唔好即刻返香港，不過，成個義工團隊中我嘅年紀最大，應該要鎮定啲！不斷有朋友打畀我，情緒上好攰。」

陳可辛緊張

她又感觸地指老公陳可辛及好友關詠荷的關心叮嚀令她感動：「陳可辛叫我快啲返酒店，我答佢酒店停電喎！佢話你快啲瞓，感覺到人間有情，今朝早六點半收到關詠荷電話，佢叫我快啲返香港，講到眼濕濕咁，從來未試過有咁嘅感覺，令我好感動。」

吳君如家人擔心其安全，不斷打電話給她。

以奧比斯大使身份探訪越南的吳君如，剛遇到當地反華示威。

君如又強調探訪工作全程安全，前往機場時更有警察護送。問她有否遇到示威場面？君如說：「返到酒店喺附近食嘢，食完即走，離開河內時都感覺到嗰個區有少少問題，開始亂！（縮短行程？）冇，但義工團隊情緒上開始擔心，我一直不斷收到電話。（機場情況混亂？）好多人，上機時先知變咗紅色警示，當時好驚！（機位滿晒？）爆晒！」

文：影視組