謝安琪唔八卦「如楠戀」
昨日有份參與節目《快樂聯盟》的錢嘉樂與謝安琪（Kay），對於「如楠戀」大表支持。Kay笑謂：「我哋成班《快》演員有個電話群組，大師兄（錢嘉樂）喺個Group入面有留意、關心同安慰翠如，我就冇問人哋情況。（支持？）如果真係拍拖都戥佢開心，但又唔聽見佢講感情事。」
貪玩的嘉樂於節目錄影期間，將「如楠戀」擺上枱，他問翠如：「你單嘢講得？」不懂反應的翠如惟有傻笑。問嘉樂為何整蠱翠如？他扮傻說：「邊有呀？我都唔知發生咩事。（佢同蕭正楠拍拖。）唔知喎！哈哈！為個節目開心，同事講笑冇所謂嘅。」提到翠如被外界指小三，嘉樂謂：「咁叫佢唔好出去，咁就冇人話佢。」