何傲芝扭擰放料 無綫拒續約

「如楠戀」早前被爆秘戀多月，但Edwin舊愛何傲芝卻在網上發布「邪不能膀正」言論，擺出一副可憐樣，此後連串針對「如楠戀」的消息傳出，令翠如硬食小三之名。據知，Edwin與何傲芝早已分手，嗌大交不歡而散，當時他與翠如僅為同事關係，及後才發展成情侶，故絕不構成小三罪名。但戀情曝光後，何傲芝另覓新歡，但又爆金句「邪不能勝正」，動機難明。

曾勵珍贊成拍拖

綜合眾多蛛絲馬迹，無綫認定何傲芝乃放料者，加上早前傾續約，女方諸多要求，令無綫認為她很「難搞」，續約一事因此告吹。甚為關注「如楠戀」的無綫製作部總監曾勵珍昨日接受電話訪問時贊成二人拍拖：「咩叫小三？Edwin有老婆咩？兩個都未結婚，後生仔女拍拖有選擇，唔夾咪分手，佢兩個都係我睇好嘅演員，在公在私都支持佢哋拍拖。」

黃翠如昨日出席活動時心情勁靚。

放大圖片

雖然翠如被千夫所指，但Edwin前晚於微博留言撐對方：「為了最近的事情有點累，還是希望大家請不要再傷害我愛的人，有事請找我，反正你們都知道我住在哪？」得悉愛郎冧爆留言，翠如於昨晨回應：「剛發現，感激，然後感動，你總是奮不顧身，這些日子，其實你比我苦……」間接承認戀情。

「比想像中硬淨」

另外，翠如昨日到沙田冒雨錄影節目《快樂聯盟》，她坦言頂得住流言蜚語。問可認識何傲芝？她答：「之前喺工作上見過兩次，冇深入傾偈。（佢係放料者？）人哋嘅事唔回應！」對於Edwin護花宣言，她謂：「真係好多謝佢，之後都有聯絡。（安慰你？）唔講啦！（傳你哋分手？）唔回應。（關係穩定？）都唔想講，私人嘢唔想公開講。（有壓力？）OK，係人都有壓力。（有冇喊過？）我比大家想像中更硬淨。」而何傲芝至截稿前未有回覆。

文：影視組