劉心悠開工作室做一姐

藝人劉心悠與梁祖堯昨於錦上路出席「煤氣『糭』有機」活動,以白色緊身運動衣上陣的她更於包糭期間顯得雞手鴨腳。問到她是否首次包糭?她自爆已有進步:「我包過但係好核突,今次已經有進步,以往一早放棄咗。(要咬草繩紮糭影響女神形象?)唔會,咁包先靚,我要咬住唔放!」

問到是否約滿星皓?劉心悠自爆要開設工作室:「同公司完咗約一排,老闆都贊成我自己搞工作室,(籌備中?)係!應該會設於尖沙咀,我第一次做老闆冇經驗,可能要搵人幫手(簽其他人做藝人?)有可能(捧自己做一姐?)幾好喎!(結束與星皓九年賓主關係?)始終自己做會闊度高啲,囡囡始終會長大(同老闆關係好?)係,多謝佢多年的栽培。如果佢第日開戲,我會幫手!」