蔡瀚億出風癩身痕推job
影壇新貴蔡瀚億（Babyjohn）前晚突然出風癩，面部和手腳又紅又腫，痕癢難耐，他漏夜到急症室求醫，但打針後風癩仍未退，最後無奈取消昨原定的電台訪問及拍照工作。
昨午3時許，蔡瀚億戴口罩及太陽眼鏡「包到冚」到油麻地看專科醫生，他透露可能因近期工作忙碌，睡眠不足，加上近日天氣潮濕及空氣混濁，前晚他突然出風癩：「中學時都試過一次，今次情況仲嚴重，全身都好痕，手腳、背脊、塊面都痕，根本唔可以坐低，要搵啲嘢做，分散注意力先冇咁痕。」
蔡瀚億又稱：「我嚟緊要拍《殺破狼II》，所以今日即刻睇西醫，頭先醫生話可能係對食物或塵敏感。」
