黃長興伴妻入院生B女

藝人黃長興昨日傍晚五時陪同懷胎九個月的太太Peggy入院，準備今晨八時剖腹迎接BB的來臨，Peggy全程拖實兼依偎着丈夫，溫馨又幸福。問到長興心情如何？他表示稍後心情相信會好緊張：「太太佗B九個月好辛苦，之後我當然更加錫佢，要對佢再好啲。最緊要係小朋友健健康康，我哋都好鍾意小朋友，今胎係女，會繼續生，希望長生長有！」他已準備好相機和攝錄機入產房，B女出世後會由太太餵母乳。