對於周迅與高聖遠的戀情，堪輿學家陳子才表示看好：「佢哋嘅命格入面，喺2013年都有感情變化，上年可能已經拍緊拖。男方夫妻宮注定發展異地戀，而周迅屬火，男方屬水，兩個互補不足，女仔會帶旺男仔事業同財運。」陳子才指兩人笑容一致有夫妻相，有可能今年年底拉埋天窗：「二人各自夫妻宮都有正桃花，2014年尾或下年年頭都好大機會結婚，有可能雙喜臨門，生B女機會較大。如果錯過，最快到2017年先再係結婚年。」陳子才又指周迅於5月8日公布戀情，亦暗藏玄機：「5月係農曆4月，呢個月份男方夫妻宮相沖，即係有變化，女方異性緣強，呢個月份好配合公布戀情呢件事。」