連詩雅心急買樓 孭5份工
以扶助弱勢社群而成立的「築福香港」計劃，前晚假荃灣舉行活動，邀請一眾歌手跟年輕人分享工作經驗。外表柔弱的連詩雅自爆年輕時心急買樓，同一時間做5份工，認真捱得。
歌手連詩雅（Shiga）前晚與許廷鏗、何雁詩、葉俊亨和組合天堂鳥等齊齊現身荃灣大會堂，出席《「築福香港」甜蜜歡樂滿荃城 青年月綜合表演暨頒獎禮》活動，跟在場年輕人分享職業選擇的經驗，Kawaii則擔任大會司儀。Shiga透露入行當歌手前，最高紀錄試過同時間做5份工。她說：「我試過同時間做翻譯、教Play Group、做PA、搞Events同Model總共五份工，因為希望喺朋友圈中最快搵到錢做業主。」
陪媽咪過母親節
Shiga坦言入娛樂圈初期收入未如理想：「到第4、5年先比以前好，所以最緊要係堅持自己理想。」孝順的她笑言近年工作量大增，今年母親節已率先送大禮給媽媽：「之前陪媽咪行街，仲送咗個手袋畀佢做禮物。對媽咪好啲，佢開心我都開心。」
同場的許廷鏗雖然工作忙碌，但早前仍抽空和家人到韓國旅行。他謂：「下星期母親節正日一定會同媽咪食飯，入行後更加覺得可以有時間陪屋企人已經好好，唔需要刻意買太多物質上禮物。」
文：音樂組