廖安麗受前夫影響 推廣生死教育
藝人廖安麗昨日到鰂魚涌出席生命教育講座，4年前由她創立的慈善機構一直致力推廣生死教育又支持器官捐贈，她坦言受常霖法師（即前夫葉青霖）影響：「佢出家前寫過關於生死嘅書，睇完好希望可以幫到人，所以創立呢個會，教人點樣從死看生。」
已考獲保險牌的廖安麗希望大家在生時好好準備，可以無憾地離開。問會否再拍劇？她說：「有機會就拍。（怕辛苦？）唔辛苦，但依家唔會放重心喺拍劇，希望做多啲有意義嘅事。」至於與葉青霖的離婚手續是否已辦妥？她大方地說：「搞好晒啦！幾年時間啦！」問她兩位女兒近況如何？她說：「喺墨爾本，細女終於大學畢業。（返香港？）唔啦！佢哋鬼妹仔，鍾意留喺嗰邊，一年會見兩次面。」