孫耀威撞裂肋骨 陳美詩煲湯呵番

男星孫耀威日前在上海經營的夜店打點，不慎在廁所跌倒撞裂肋骨，女友陳美詩接受訪問時直言非常擔心，已請教孫媽媽學煲田七湯，希望男友盡快散瘀，問到會否叫對方多休息？她說：「佢捱得嘅，咩都想親力親為，連廁所都想自己清理，結果跣親，我知道佢咁傷嚇到喊，佢一開始連笑、講嘢都痛，不過愈合能力好強，食咗好多止痛藥，好番好多！」美詩坦言孫耀威工作勁忙，現正忍痛在台灣做節目，自己惟有間中到上海幫忙打點。